ദുബായിയില് റസ്റ്റോറന്റില് തീപ്പിടിത്തം. ഷെയ്ഖ് സയ്യിദ് റോഡിലെ റസ്റ്റോറന്റിലാണ് അപകടമുണ്ടായത്. മൂന്ന് മണിക്കൂറോളമെടുത്താണ് സ്ഥിതി നിയന്ത്രണവിധേയമാക്കിയത്. അപകടത്തില് ആര്ക്കും പരിക്കുകളില്ലെന്ന് ദുബായ് സിവില് ഡിഫന്സ് പറഞ്ഞു.
ഇന്ന് രാവിലെ 7.42നായിരുന്നു അപകടം നടന്നത്. ഉടന് തന്നെ അല് ഇത്തിഹാദ് ഫയര് സ്റ്റേഷനില് നിന്നും അഗ്നിശമനാ സേനാംഗങ്ങള് സംഭവസ്ഥലത്തെത്തി റസ്റ്റോറന്റിലെ ആളുകളെ ഒഴിപ്പിക്കുകയും തീ നിയന്ത്രണവിധേയമാക്കാന് ശ്രമിക്കുകയും ചെയ്തു. രാവിലെ 10.30ഓടുകൂടി തീ പൂര്ണമായും നിയന്ത്രണ വിധേയമാകുകയും ചെയ്തു. കൂളിങ്ങ് ഓപ്പറേഷന് ശേഷം റസ്റ്റോറന്റ് ബന്ധപ്പെട്ട അധികാരികള്ക്ക് കൈമാറും.
അപകടം നടന്ന് മിനിറ്റുകള്ക്കുള്ളില് തന്നെ അഗ്നിസുരക്ഷാ അംഗങ്ങള് സംഭവസ്ഥലത്തെത്തിയെന്ന് ദൃക്സാക്ഷികളും പറഞ്ഞു. 'ഞാന് എട്ട് മണിക്ക് മുമ്പായി സാധാരണ നടക്കുന്നത് പോലെ വന്നതായിരുന്നു. അപ്പോഴാണ് കെട്ടിടത്തിന്റെ അടുത്ത് നിന്ന് പുക ഉയരുന്നത് കണ്ടത്', ദൃക്സാക്ഷി പറഞ്ഞു.
റസ്റ്റോറന്റില് തീപിടിത്തമുണ്ടായെന്ന് ദുബായ് പൊലീസും സ്ഥിരീകരിച്ചു. തീപ്പിടിത്തത്തില് നിന്നുമുള്ള പുക അന്തരീക്ഷത്തില് പടര്ന്നതിനാല് വാഹനമോടിക്കുന്നവരോട് പ്രത്യേകം ശ്രദ്ധിക്കാന് ദുബായ് പൊലീസ് അറിയിപ്പ് നല്കിയിട്ടുണ്ട്.
Content Highlights: Emergency services responded after a fire erupted at a restaurant on Dubai's Sheikh Zayed Road.